مدرسة الحكومة(التيرم الثانى)

[مصطفى عبد الرازق]

أيه جرالك يا بلد فين إيمانك فين نخوتك...
فين قلبك الكبير اللي على ربه إعتمد
رفع أسعار مرتب مفيش و ما يسـاويـش...
حتى الرغيف أصبح أمل و ما تلاقيش
طـابـور طـــــــــــــويـل مـا يـنـتـهــيـش...
تقف ما تقف ما تـــــــــــــلاقيش
ضرب و إهـانة و عـلى القـفـا تلطـيــش...
و إيـــاك تتنح هتـلاقى السـلاح بيطيش
و مــن أصيره تمـشى لجل إنـك تـعــيش...
تشترى الرغيف التانى هو أنا بتاع حشيش
هى أزمة فعلا و لا أصداها الحكـــومـــة...
ننام و نصحى فى هم و أرف و مفيش كرامة
لجل نتعلم سيبان حقوقنا من غير معارضة...
مـعـارضـة أيـه هـى فـيـن المـعـارضـة ؟
ما خلاص بأينا من غيرارادة و الفضل يرجع للحكومة...
عـلـمتنا إزاى نعيش من غـيـر أمـل مـن
غير كلام من غير حلول و إياك تضايق أى مسئول
ده أنا مرة أتهفيت فى عقلى و بعت كلمة لجرنان ...
جرنان الناس اللى هية برأى حر من غير إساءة و لا أذية
أصدى أصلح فى البلد دى...لجل أشوفها مرة عفية...
لقيت الكلام ما بيتكتبش وبيتفهم بطريقة غبية
يــا أنـت تـقـصد تـظـهـر...أو عـنـتـريـة...
فى الـوقـت نـفسه أريت كلام من غير قضية
هايف و تافه الـمـهم تـمـلى الصفحة ديه...
والدعم شغال عل الهيافة والنحافة واللطافة والكليبات اللى هيه
و الـلا الـدعـم الـلـى طـلـعـلـنـا فى المأدر ...
عايز يسيبنا و يمشى و لفقرنا مش راح يعبر
دعم أيه والأسعار ولعت ...
سكر ورز و زيت و العمالة إتخصخصت نجيب منين طيب يا ناس ...
لظروف حياة مش عل المقاس
أسعار حريقة و نارمن المم حتى المداس....
ولا تكون الحكومة آصدة تغرق أهلنا من ساس لراس
عشان نقوم و ننام و منفكرش بحماس ...
فى الهموم الكبيرة اللى شاغلة كل الناس
منها الكرامة اللى راحت مع كتمت الأنفاس...
ولو تعارض تنحبس هو انت زى الناس
و التهمة جاهزة اللى تخليك من المحال...
تطلع براءة إرهاب تطرف أو غسل مال
و إياك تطلب واحد طبيعى يحكم عليك...
ده رتبة جامدة و متسلط عليك
هيه دى مدرسة الحكومة !!
رسالة واضحة لأى واحد عايز يغير ...
إياك تصلح ... إياك تفكر... إياك تعكر صفو الفساد
أيش فهمك فى مصلحة البلاد ...
دي سبوبتنا ملكش فيها أى إجتهاد
تزوير إرادة و عالنقابة حطو الحراسة ...
و سيد قراره تحت الطلب و بالمرصاد
كوكتبل مصايب... سحل و إهانة فى أقسام بلدنا ...
موت جماعى و بالمئات بإيدين قادتنا
ما هو حزب واحد يأمر و ينهى ....
و التصويت فى إيده عشان ما يلغى
و لو تعارض تقدر تعارض !!
هو أنت نسيت طابور العيش ....
ضرب و إهانة و عالقفا تلطيش
و إياك تتنح هتلاقى السلاح بيطيش
لحد إمتى هنعيش فى ذل ...
فأر و مرض و سرطان و سل
فاكهة بكيماوى وخضاركمان مرشوش بلاوى ...
و الفضل يرجع لابن والى
سمم حياتنا خرب بيوتنا أولاد مريضة فى كل بيت
كلاوى فاشلة أكباد بفيرس و لو معجبكش إخبط دماغك فى أى حيط
أخيرا فهمت ليه بيمروضنا.....و يبهدلونا ......و يحرمونا من النعم
أصل المريض يفضل يأوه ويقول فى آه و يترجموها بكلمة نعم
و كلمة آه يعنى موافق...سنين طوارئ آه...إرهاب متستر آه...توريث رآسى آه...سيد قراره آه ....
مفيش مناقشة آه.... مفيش معارك آه .... تطبيع يهودى آه..... و غاز مدعم آه ....
يا دى آه و سنين دى آه
يارب إشفينا من أى آه ... و ارزقنا لا .... ده انت الكريم و انت الإله
لا للفساد.... لا للكسل...... لا للظلم .... لا للبطالة ..... لا للغلاء ... لا للمرض ....لا للفناء
يا رب غير ما بنا من حال لحال ..... حال الوضاعة و الدنائة و الإستهبال
لحال الشجاعة و الكرامة و الإستبسال
و عليك بمدرسة الحكومة و طابور العيش.... اللى جابولنا جيل كئيب عايز يعيش
أى عيشة و السلا م...... المهم يملى بطنه و يروح ينام
أيه جرالك يا بلد فين إيمانك فين نخوتك .... فين قلبك الكبير اللى على الله إعتمد





المهموم/ حسن الإسكندرانى
التاريخ/ السنوية الأولى لمعتقلى الإخوان
المسلمين الأربعين( خيرت الشاطر و رفاقه):mad:


=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا. الرجاء المشاركة في موضوع الترحيب الخاص بي
=== هذه الرسالة تلقائية ===

[قوت القلوب]

كلام جميل ورائع بس مين يقرا ومين يفهم اعتقد ان احنا بس اللى بنقرأ الكلام وبنفهمه والحكومه اخر غباء او بتتغابا ياريت يخدوا بالهم المهم لما اتكلموا فى التليفزيون على الفضائيات
واتفضحنا ان العيش اخر مهزله اللى حصل ايه ؟؟؟
البيع فى الافران لغايه الساعه 10 يعنى الخيبه بقت اكثر ولسه يا عالم اللى حيحصل

[ضياء النفوس]

عشان انت مصرى
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانىبتاع الحضاره وكانى ومانى ده كله هجايص مايدخل ودانى
عشان انت مصرى
العذاب بيناديك بتبدا فى يومك حاجات بترازيك فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزا لها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامل لك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فىبيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تأسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرىوجرحك نزف
مش انت اللى مصرى؟؟؟ جتك القرف
شعر أحمد فؤاد نجم

[somaya]

إخواني في الله ما لنا غير قول:

حسبنا الله لا إله إلا هو عليه توكلنا وهو رب العرش العظيم

ما لنا إلا الدعاء للأمة بالخير والصلاح

جزاك الله خيراً أخي في الله

وأثابك اللهم الجنة

وأهلا بك عضوا مميزاً في منتدانا الغالي

[ام يوسف]

http://www.14noor.com/forum/uploads_members/1397/1397_2006-03-15_Untitled-14747.gif

موضوع هايل بدون نقاش وكلام جاى عالجرح لكل انسان
تحيه منى ما لها حدود على هذىالمشاركه الرااااائعه
أليك أخى الكريم مصطفى
وأختى الغاليه ضياء النفوس
http://www.3rb100.net/folder1/3rb100_Ox42CIv91m.gif
وأود أن أرحب بك أخى الكريم عضو مميز داخل موقعنا الحبيب
يا هلا والله ومليون مرحبآ بك أخى الكريم

يسعد موقعناباستقبال من هم بمثل شخصك
ليكون مميزاً بين المميزين وأنت لها ..
فأهلا بك في موقع عدويه السلامى الذي يتشرف بكل مميز
هذا وتقبل تحياتى
أختك فى الله
يوســ آم ــف

http://abeermahmoud2006.jeeran.com/447-do3aa.gif